Təyyarə qəzasında həlak olan 19 yaşlı Xədicə Əlimirzəyeva Qusar Qadın Resurs Mərkəzinin üzvü olub.
Shimal.News xəbər verir ki, bu barədə mərkəz məlumat yayıb.
Həmin qəzada Suduroba kənd sakinləri, bacı-qardaş, 22 yaşlı Əli Mirzəbəy oğlu və 19 yaşlı Xədicə Mirzəbəy qızı Əlimirzəyevlər həlak olublar.
Onların ata-anası dünyasını dəyişdiyi üçün evin yükü gənclərin çiyinlərində olub.
Qeyd edək ki, Əlimirzəyeva Xədicə 2022-ci ildə “Sahibkarlığa və Məşğulluğa İqtisadi Dəstək” layihəsinin “Gender əsaslı zorakılığın aradan qaldırılmasına icma dəstəyi” komponenti çərçivəsində həyata keçirilən “Dırnaq qaynağı” təliminin iştirakçısı olub. Mərkəzdə həyata keçirilən tədbirlərdə fəal iştirak edib.
