Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Xəzər dənizinin Xaçmaz, Lənkəran və Neftçala rayonlarının inzibati ərazisində, Alazan çayının Mingəçevir su anbarına tökülən hissəsində, həmçinin Mingəçevir və Şəmkir su anbarlarında qanunsuz balıq ovlayan şəxslər saxlanılıb.
Shimal.News xəbər verir ki, araşdırmalar nəticəsində saxlanılan şəxslərin Xaçmaz rayonu Ərəb kənd sakinləri Fərrux Ağayev və Rəfail Məmmədov, Lənkəran rayonu Göyşaban kənd sakini Dmitriy İvanuşin, Neftçala rayonu Bankə qəsəbə sakinləri Mirməhəmməd Mikayılov və Elnur Şəfiyev, Şəmkir rayonu Səməd Vurğun küçəsində yaşayan Vüqar Həsənov, Mingəçevir şəhər sakini Ağəli Sadıqov və Yevlax rayonunun Xanabad kənd sakini Mahmudov Taleh olduğu müəyyən edilib.
Onlardan istifadəsi qadağan olunmuş ov alətləri və xeyli sayda qanunsuz ovlanmış balıq götürülüb.
Faktlarla bağlı həmin şəxslər barəsində inzibati protokollar tərtib olunub və qanunvericiliyə uyğun tədbirlər görülüb.
