Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Xəzər dənizinin Xaçmaz rayonunun inzibati ərazisindəki akvatoriyasında, Neftçala və Samux rayonlarının inzibati ərazisində qanunsuz balıq ovlayan şəxslər saxlanılıb.
Shimal.News xəbər verir ki, araşdırma zamanı həmin şəxslərin Bakı şəhər sakini Samirə Əzizova, Xaçmaz rayonu Xuray kənd sakini Əmin Ağayev, Neftçala rayon sakini Emin Qafarov və Gəncə şəhər sakini Elman Novruzov olduğu müəyyən edilib. Onlardan qanunsuz ovlanmış xeyli sayda balıq və istifadəsi qadağan olunmuş ov alətləri aşkar edilərək götürülüb.
Faktlarla bağlı qanun pozucuları barəsində protokol tərtib edilib və qanunamüvafiq tədbir görülüb.
