Qusar rayonunda Azərbaycan Yazıçılar Birliyinin üzvü, tanınmış yazıçı, publisist, Qarabağ müharibəsi veteranı Hacı Qəni Camalzadə ilə görüş keçirilib.
Shimal.News xəbər verir ki, tədbir zamanı müəllifin yaradıcılığı, publisistik fəaliyyəti, eləcə də ədəbi baxışları barədə geniş müzakirələr aparılıb. Görüşdə iştirak edən oxucular, müəllifin müxtəlif illərdə qələmə aldığı əsərləri, xüsusilə “Qızıl xotux”, “Karxana”, “Şeytana daş atanlar” və “Kiaksarın axırıncı savaşı” kimi romanlarını müzakirə ediblər.
O, Qarabağ müharibəsində iştirakının onun əsərlərinə necə təsir etdiyindən danışıb və gənclərə vətənpərvərlik ruhunda yazmağı tövsiyə edib.
Görüşdə səmimi ab-hava hökm sürüb, oxucularla sual-cavab formatında maraqlı dialoqlar baş tutub.
