Quba-Xaçmaz Regional Gənclər və İdman İdarəsinin rəhbərliyi “Şahin” hərbi-idman oyununun zona mərhələsində I yeri tutaraq Respublika mərhələsinə vəsiqə qazanan Xaçmaz rayonunun Niyazabad kənd tam orta məktəbinin komandası ilə görüşüb.
Shimal.News xəbər verir ki, görüşdə ənənəvi olaraq hər il keçirilən “Şahin” hərbi-idman oyununun yeniyetmə və gənclərin hərbi vətənpərvərlik tərbiyəsində müstəsna rol oynadığı, orta məktəb şagirdlərini hərbi-idman oyunlarına cəlb etməklə onların ordu sıralarına xidmətə hazırlanmasına kömək məqsədi daşıdığı bildirilib.
Quba-Xaçmaz Regional Gənclər və İdman İdarəsinin rəisi Qumru Məmmədova və Gənclərlə iş sektorunun müdiri Mənsur Ağayev komandanı təbrik edərək, bu qalibiyyətdə əməyi olan hər bir kəsə öz təşəkkürlərini çatdırıblar.
Komandaya “Gənclər Paytaxtı” Sumqayıt şəhərində keçiriləcək Respublika final mərhələsində uğurlar arzulanıb.
Sonda xatirə şəkli çəkdirilib.
