Qubaya gələn bəzi turistlər Qəçrəş meşələrini zibilləyirlər.
ShimalNews “ATV”-yə istinadən xəbər verir ki, Bura üz tutan qonaqlar dincəldikdən sonra təəssüf ki, özlərindən geriyə belə ürəkbulandırıcı mənzərələr buraxıblar. Vaxt aşırı iməcliklərin edilməsinə baxmayaraq ərazi yenidən çirkləndirilir.
Məsələ ilə bağlı Qəçrəş bələdiyyəsindən bildirilib ki, tullantıların atılması üçün xüsusi yerlər ayrılıb. Eyni zamanda onlarıb şəhər poliqonuna daşınması təşkil edilir.
“Bir neçə gün əvvəl gördüyümüz ərazilərdə böyük iməcilik keçirilib. Bu məsələdə yerli ekoloqiya idarəsi bizə köməklik elədi. Məlumatlanrıcı lövhələr də quraşdırmışıq yol kənarında. Bu gördüyümüz tədbirlər bir gün üzərindən keçəndə həmin əvvəlki vəziyyəti görmüş oluruq. Gələn turistlərimizə daim yaxınlaşıb xahiş edirik ki, tullantılar buraxmayın. Ən azı növbəti dəfə siz gələndə çirklənmiş ərazini görmək sizə görmək zövq etməz”, - deyə bələdiyyə sədri Vüqar Kərimovbildirib.
Məlumat üçün bildirək ki, ətraf mühitin çirkləndirilməsinə fiziki şəxslər üçün 700-1000, hüquqi şəxslər isə 3000-4000 manat arası cərimə olunur.
