Prezident İlham Əliyev Pekində Çinin CGTN (China Global Television Network) telekanalına müsahibəsi zamanı jurnalistin dövlət başçısına “Əslində, mən Çinə Kəmər və Yol vasitəsilə yay düşərgəsinə gələn və burada qalan gənc insan tanıyıram.
O, fəlsəfə doktoru dərəcəsinə yiyələnmək üçün təhsil alır, özü üçün yeni gələcək qurur” deyərək haqqında bəhs etdiyi gəncin kimliyi müəyyənləşib.
Shimal.News xəbər verir ki, söhbət Tağı Məmmədovdan gedir.
O, bu barədə daha ətraflı video şəklində sosial şəbəkə hesabında paylaşım edib.
Tağının bacısı Tamilla Məmmədova Bizim.Media-ya məlumat verib ki, 25 yaşlı gənc Quba rayonunda doğulub, orta təhsilini burada alıb.
10 sentyabr 2000-ci ildə Quba şəhərində doğulan Tağı Məmmədov 2006-2012-ci illərdə Quba şəhərindəki Zaur Cəfərov 3 saylı orta məktəbdə, 2012-2017-ci illərdə isə Quba şəhərindəki Özəl Türk Liseyində təhsil alıb.
Tağı Məmmədovun valideynləri hazırda Quba şəhərində yaşayır.
View this post on Instagram
