Oğuz şəhərinin Mirzə Fətəli Axundov küçəsində məişət tullantılarının dərə kənarına atılması ciddi narahatlıq yaradır. Vəziyyət o həddə çatıb ki, ərazidə yayılan üfunət qoxusu səbəbindən yaxınlıqda yaşayan sakinlər isti havalarda həmin hissədən istifadə etməkdə çətinlik çəkirlər.
Məsələ ilə bağlı Shimal.News-a danışan sakinlərin sözlərinə görə, ərazidə zibil konteynerləri olsa da, bəzi şəxslər məişət tullantılarını onlardan istifadə etmək əvəzinə dərəyə atırlar.
Onlar aidiyyəti qurumlardan əraziyə nəzarətin gücləndirilməsini, tullantıların təmizlənməsini və bu cür halların qarşısının alınması üçün zəruri tədbirlərin görülməsini xahiş edirlər.
