Gənclər və idman naziri Fərid Qayıbov Quba şəhərində səfər edib. Bu haqda ShimalNews 17 avqust tarixində məlumat verir.
Nazir "Gənc idman liderləri" proqramının iştirakçıları ilə görüşüb. Quba İstirahət, İdman, Təlim və Tədris Kompleksində keçirilən tədbirdə 15 universiteti təmsil edən 30-dan çox gənc, eləcə də idman səfirləri, Azərbaycan İdman Akademiyasının prorektorları iştirak ediblər.
Layihənin məqsədi gənclər arasında idman sahəsi üzrə maarifləndirmənin aparılması, natiqlik, əsaslandırma, təqdimat sahəsində biliklərini artırmaq, onlarda idman vasitəsilə komanda işi, liderlik və əzmkarlıq kimi əsas bacarıqları inkişaf etdirməkdir.
Bu gün və sabah idman liderliyi, komanda quruculuğu üzrə təlim sessiyaları, enercayzerlər, qrup müzakirələri, rol oyunları, simulyativ xarakterli iclaslar, açılış və bağlanış mərasimi baş tutacaq.
