Sovet dövründən orijinallığı və xidmətləri ilə məşhur istirahət məkanı sayılan Nabran yenilik baxımından çox da irəliləməyib.
Bizim.Media-nın məlumatına görə, ərazidə aparılan müşahidələr bunu təsdiqləyir.
Ən ağrılı və baxımsız məkanlardan biri sayılan “Dostluq” turist bazasında vəziyyət demək olar ki, dəyişməyib. Əksinə, Sovetdən qalma kiçik taxta evlər daha da çürüyüb, pəncərə və şüşələri sınıb, ərazini zibillik və natəmizlik bürüyüb. Nisbətən yaxşı vəziyyətdə olan evlərdə isə tək-tük dincəlməyə gələnlər var.
Gecəsi 7 manata turistlərə verilən bu evlərdə qalmaq təhlükəlidir. Evlərin zirzəmisi və otaqlarında həm ilanlar, həm də meşədən gələn vəhşi heyvanlar məskən salıb.
Nabran çimərliyində isə sahil boyunca dincələn mal-qaranı görmək olar. Elə bu mənzərədən də aydın oldu ki, nəzarətsiz qalan istirahət zonasında həm də sanitariya və təhlükəsizlik qaydaları pozulur.
View this post on Instagram
