Xaçmazın ən uzunömürlü sakinlərindən biri haqq dünyasına qovuşub.
Shimal.News-un əldə etdiyi məlumata görə, 102 yaşlı rayon sakini Mənsurə Nuri qızı Nəzərova dünyasını dəyişib.
Ömürünün böyük hissəsini rayonun Pərdiqıran kəndində yaşayan Mənsurə nənə əslən Şabran rayonundandır. O, 1923-cü ildə Şabranın Gələgah kəndində doğulub.Valideynləri vaxtsız həyatdan köçdüyü üçün bacısı ilə birlikdə çətin günlər yaşayıblar. Ailə qurduqdan sonra Xaçmaz rayonunda yaşamağa başlayıb.
Mənsurə Nəzərova kolxoz dövründə ən qabaqcıl işçilərdən olub. 1983-cü ildə “Əmək veteranı” medalı ilə təltif edilib.
Onun 1 övladı, 4 nəvəsi, 11 nəticəsi və 2 kötükcəsi var.
