Əllə toxunan xalçaçılıqda mühüm yeri olan Manisanın Dəmirçi rayonu Azərbaycanın xalçaçılıq sənayesinin mərkəzi olan Quba şəhəri ilə qardaşlaşmış şəhər oldu.
Shimal.News Türkiyə KİV-ə istinadən xəbər verir ki, Dəmirçi Bələdiyyəsinin Xarici İşlər Nazirliyinin Mədəniyyət İşləri Baş İdarəsi ilə apardığı yazışmalar nəticəsində Azərbaycanın 46 min əhalisi olan Quba şəhəri ilə qardaş şəhər əlaqəsi yaradılması qərara alınıb. İki şəhərin ortaq cəhəti olan xalçaçılıqla yanaşı, bələdiyyələrarası araşdırmalar, sosial-mədəni tədbirlərlə bağlı işlərin aparılacağı gözlənilir. Bələdiyyə sədri Erkan Kara yaxın günlərdə Azərbaycanın Quba şəhərinə səfəri zamanı bələdiyyələrarası əməkdaşlıq kimi bir çox məsələlərlə bağlı danışıqlar aparacaq.
