Elm və Təhsil Nazirliyi və Mədəniyyət Nazirliyinin birgə təşkilatçılığı ilə keçirilən “Məktəblilər üçün teatr pedaqogikası” layihəsi başa çatıb.
Shimal.News xəbər verir ki, layihə çərçivəsində Qusar, Qax, Qazax, Lənkəran, Ağdam, Gəncə, Sumqayıtda ümumilikdə 10 000 nəfərdən çox məktəblinin Mədəniyyət Nazirliyinin tabeliyində fəaliyyət göstərən teatrlarda müxtəlif mövzulara həsr olunan tamaşaları izləməsi təmin edilib.
Layihənin məqsədi uşaq və gənclərdə estetik zövq formalaşdırmaq, onların incəsənətə marağını artırmaq, həmçinin asudə vaxtlarını səmərəli təşkil etməkdən ibarət olub.
