Xaçmazdan olan 42 yaşlı D.R. paytaxtın Xətai rayonunda törətdiyi əməlinə görə məsuliyyətə cəlb edilib.
Qaynarinfo.az-ın məlumatına görə, həmin şəxs 59 saylı məktəbdə oxuyan qızlara qarşı xırda xuliqanlıq edib.
Məhkəmədə məlum olub ki, 2 şagird evə qayıdan zaman D.R. onlara salam verib. Daha sonra onların birinin qolundan tutaraq onunla getməsini istəyib. Qızlar qorxaraq, həmin yerdən uzaqlaşıblar. Evə gəldikdə zərərçəkmiş bu barədə anasına məlumat verib.
Təqsirləndirilən D.R. məhkəmədə özünü təqsirli bilməyib. O deyib ki, məktəbin yanında azyaşlı uşaqlara salam verib. Bu zaman uşaqlardan birinin qohumu ona yaxınlaşaraq, niyə uşaqlara salam verdiyini soruşub və o da hadisə yerindən uzaqlaşıb.
Məhkəmənin qərarı ilə D.R. 20 gün müddətində həbs olunub.
