Bir neçə gün öncə Qusarın dağlıq Laza kəndinə palçıq kütləsi axmağa başlayıb. Bu gün isə təbiət hadisəsinin daha çox aktivliyi müşahidə olunur.
Bizim.Media-nın məlumatına görə, Qızılqaya dağından axan güclü palçıq layı sürətlə kəndə doğru gəlir.
Evlərə ciddi təhlükə yaranıb. Sakinlər qorxu və təşviş içindədir. Qusar Rayon İcra Hakimiyyəti və polis şöbəsi ərazidə növbətçilik təyin edib, qabaqlayıcı tədbirlər görülür.
Xatırladaq ki, sonuncu dəfə 1993-cü ildə Laza kəndində palçıq gəlib və xeyli ziyan vurub.
