Uzun müddətdir qəzalı vəziyyətdə olan Köhnə Xaçmaz piyada körpüsü sökülüb.
Shimal.News xəbər verir ki, Qudyalçayın üzərində yerləşən köhnə körpünün yerində hazırda müasir yol ötürücüsünün inşası yekunlaşmaq üzrədir, ərazidə son tamamlama işləri görülür.
Xatırladaq ki, çaydan keçən güclü sel nəticəsində dəmir və taxta konstruksiyalardan hazırlanan körpü qəzalı vəziyyətə düşmüşdü. Bu körpü Köhnə Xaçmaz kəndini Xaçmaz şəhəri ilə birləşdirən yeganə piyada keçididir.
