Xaçmazda "İnnovativ sahibkarlığın inkişafı" mövzusunda təlim keçirilib. Bu barədə ShimalNews 1 fevral tarixində KOB İnkişaf Mərkəzinə (KOBİM) istinadən məlumat verir.
Təlimdə sahibkarlıq və innovasiya anlayışları, sahibkarlıq fəaliyyətinə mənfi təsir edən amillər, hüquqi və siyasi mühit, təhsil və qanunun aliliyi, maliyyə siyasəti barədə məlumat verilib. Görüşdə iştirak edən 24 iştirakçıya əsas sahibkarlıq konsepsiyası, bazarın araşdırılması, biznesin növləri və funksiyaları barədə danışılıb.
Seminar Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən təşkil edilib.
