Quba sakininin axtarışları zamanı ağır cinayətin üstü açılıb. Bu barədə ShimalNews 1 fevral tarixində Baku.ws-ə istinadən məlumat verir.
2018-ci ilin iyul ayında 48 yaşlı İldırım Fərhadov itkin düşmüşdür. Polis əməkdaşları əməliyyat-axtarış və istintaq tədbirləri keçiriblər. Nəticədə 38 yaşlı Şahsuvar Əsədov saxlanılıb.
İstintaqda Ş.Əsadov bildirib ki, İ.Fərhadovu qeyri-rəsmi nikah münasibətində olduğu Əzizə Sadıqovanın sifarişi ilə qətlə yetirib. O, meyiti Beyləqan rayonunun Dünyamalılar kəndindəki evinin həyətində basdırıb.
Lənkəran Ağır Cinayətlər Məhkəməsinin hökmü ilə Ş.Əsədov 19 il, Ə.Sadıqova 16 il 6 ay müddətinə azadlıqdan məhrum ediliblər. Hökmdən narazı qalan məhkumlar apellyasiya və kassasiya şikayəti veriblər. Lənkəran Ağır Cinayətlər Məhkəməsinin hökmü qüvvədə qalıb.
