İsraildə yəhudi irsinə dair təqdimat keçirilib. Bu barədə ShimalNews 16 fevral tarixində Dövlət Turizm Agentliyinə istinadən məlumat verir.
“Yəhudi İpək Yolu” adlı tədbir Təl-Əviv şəhərində baş tutub. Turizm Bürosunun Turizm məhsulu sektorunun müdiri Günel Bədəlova görüş iştirakçılarına Azərbaycanın çoxillik yəhudi irsi, yəhudi icmasının sıx şəkildə məskunlaşdığı Qırmızı qəsəbə, İsmayıllı və digər ərazilər haqqında məlumat verib. Bundan əlavə, ölkəmizin müxtəlif yerlərində qədim sinaqoqların izlərinin aşkarlandığı və hazırda ölkədə yeddi sinaqoqun fəaliyyət göstərdiyi bildirilib.
Tədbirdə, həmçinin Türkiyə, Gürcüstan, Özbəkistan və Hindistanı təmsil edən nümayəndələr ölkələrindəki yəhudi irsinə dair təqdimatlarla çıxış ediblər.
