İsmayıllıdan olan gənc Google şirkətində təcrübə keçib və nüfuzlu elmi konfransda səslənmiş 2 məqalənin həmmüəllifidir. Bu barədə ShimalNews 10 may tarixində “Lahıc Misgərlik Sənəti”nə istinadən məlumat verir.
Vahab Cəbrayılov Lahıc qəsəbəsindəndir. O, burada orta məktəbi 2017-ci ildə qızıl medalla bitirib, qəbul imtahanlarında 700 bal toplayıb və Prezident təqaüdünə layiq görülərək Bakı Ali Neft Məktəbinə qəbul olub.
Bununla kifayətlənməyən gənc Nyu Yorkda Kolumbiya Universitetinin kompüter mühəndisi ixtisası üzrə doktoranturasında oxuyub. Eyni zamanda tədqiqat və təhsil üzrə professor koməkçisi kimi çalışıb.
