İsmayıllıda vətəndaşlar “Səyyar qəbul otağı”nda müraciətlərini səsləndiriblər. Bu haqda 12 aprel tarixində Shimal.news “Azəriqaz” İB-yə istinadən məlumat verir.
“Açıq mikrofon” aksiyasında müraciətini ünvanlamaq üçün Qalacıq kəndindən Şakir Eminov qatılıb. O, yeni tikilmiş fərdi yaşayış evinin qazlaşdırılmasını istədiyini bildirib. Vətəndaşa küçə qaz xəttinə qoşulma ilə bağlı şərtlər ətraflı şəkildə izah olunub. Mican kənd sakini Qərib Niftəliyev isə dövlət yoxlamasına göndərilən sayğacın yenidən bərpa olunmasını xahiş edib.
Aksiyada qaldırılan problem və təkliflərin SOCAR “Azəriqaz” İB-nin Ağsu RQİİ-nin rəhbər şəxsləri tərəfindən aidiyyəti üzrə yönləndiriləcəyi qeyd olunub.
