Qusarda yetkinlik yaşına çatmayan qıza zorakılıq edilib.
Shimal.News-un məlumatına görə, hadisənin istintaqı Qusar Rayon Məhkəməsində keçirilib.
Belə ki, 2006-ci il təvəllüdlü Emin Rəhimov (ad-soyad şərtidir) Qusar rayonu Çiləgir kəndində anadan olub. “İnstagram”da 2010-cu təvəllüdlü Zəhra Vəliyeva (ad şərtidir) ilə tanış olub. Bir müddət danışdıqdan sonra avqustun 21-i sübh tezdən görüşüblər. Elvin qızın yetkinlik yaşına çatmadığını bildiyi halda öz evinə apararaq onunla cinsi münasibətdə olub.
Emin Rəhimov Cinayət Məcəlləsinin 152.1-ci (yetkinlik yaşına çatmayan şəxsə zorakılıq etmə) maddələri ilə təqsirləndirilib.
Məhkəmədə ifadə verən Emin Rəhimov əməlindən peşman olduğunu, hər şeyin Zəhranın razılığı ilə baş verdiyini deyib.
Zərərçəkmiş Zəhra Vəliyeva təqsirləndirilən şəxsin dediklərini təsdiqləyib. Lakin Zəhra Vəliyevanın qanuni nümayəndəsi, valideyni oğlandan şikayətçi olub. Məhkəmədən Emin Rəhimov cəza verilməsini tələb edib.
Emin Rəhimov məhkəmənin qərarı ilə 1 il müddətində azadlıqdan məhrum edilib.
Fidan İlqar
