Quba rayonu İkinci Nügədi kəndində sakinlər ciddi problemlə üzləşiblər.
Shimal.News redaksiyasına yazan yerli sakinlər kəndin yollarının son dövrlərdə su altında qalmasından və vəziyyətin getdikcə pisləşməsindən narahatdırlar.
Kəndlilər təmir olunmaması səbəbindən həyati əhəmiyyət daşıyan yolların istifadəedilməz hala gəldiyini bildirirlər.
Bundan əlavə, kəndin 7-ci məhəllə qəbiristanlığı da son dövrlərdə ciddi baxımsızlıq səbəbindən zibilxanaya çevrilib. Quba şəhər bələdiyyəsi və icra nümayəndələrinin bu vəziyyətə laqeyd yanaşması kənd sakinlərinin daha da narazılığına səbəb olub. Onlar, həm bələdiyyə, həm də icra nümayəndələrinin bu məsələ ilə əlaqədar heç bir addım atmadığını qeyd edirlər.
Şikayətçilər təcili olaraq kəndin yollarının təmir olunmasını və qəbiristanlığın yenidən təmizlənməsini tələb edirlər.
