Şəhid olduğu gündən iki il ötür. Ailəsi üçün isə bu ayrılıq elə dünənki kimi təzədir. Qürurla yanaşı, hər gün bir az da böyüyən həsrət...
Yazımızın sözün əsl mənasında qəhrəmanı antiterror əməliyyatında şəhid olan ən yüksəkrütbəli zabit - polkovnik-leytenant Vüsal Rüstəmovdur!
1984-cü ilin mayın 11-də Xaçmaz şəhərində dünyaya gələn Vüsal orta məktəb təhsilindən sonra Heydər Əliyev adına Ali Hərbi Akademiyaya daxil olur və oranı uğurla bitirir.
2020-ci ildə Vətən müharibəsində iştirak edərək “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” medalları ilə təltif edilir.
2023-cü ilin 19 sentyabrında Qarabağda keçirilən lokal xarakterli antiterror tədbirləri zamanı şəhid olub. Ölümündən sonra isə “Vətən uğrunda” medalı və 3-cü dərəcəli “Vətənə xidmət” ordeninə layiq görülüb.
İndi ondan geriyə şərəfli həyat hekayəsi və əziz xatirələr qalıb...
Qafqazinfo.az-ın məlumatına görə, şəhid polkovnik-leytenantın ailəsindən onun hekayəsini dinləmək üçün onların hazırda Bakıda yaşadığı evə olublar.
View this post on Instagram
