Quba rayonunda "Qalib ölkənin gəncləri - 3" adlı yay məktəbi keçirilib
ShimalNews xəbər verir ki, tədbir Abşeron-Xızı Regional Gənclər və İdman İdarəsinin təşkilatçılığı ilə baş tutub.
Yay məktəbində Sumqayıt şəhəri, Abşeron və Xızı rayonundan müxtəlif sahələri təmsil edən gənclər iştirak edib. Onlar öncə Şəhidlər Xiyabanını və Quba Soyqırımı Memorial Kompleksini ziyarət ediblər.
Düşərgədə "Fokusda: İqlim dəyişikliyi" adlı sənədli film nümayiş olunub, abadlaşdırma aksiyası, idman növləri üzrə nümunəvi çıxışlar, səhər idmanı və müxtəlif əyləncəli oyunlar keçirilib.
