Qubanın Gədikqışlaq kəndində elektrik dirəkləri və xətləri yarasız vəziyyətdədir.
Bu barədə Shimal.News-a yerli sakinlər məlumat veriblər.
Onların sözlərinə görə, uzun illər əvvəl istifadəyə verilən dirəklər istismar dövrünü başa vurduğu üçün çürüyüb. Güclü külək nəticəsində hər an aşma ehtimalı olan dirəklər sakinlər üçün təhlükə yaradır.
Bununla yanaşı elektrik xətləri də yarasız haldadır. Nəticədə tez-tez xətlər qırılır və sakinlər saatlarla işıqsız qalır.
Onların sözlərinə görə, məsələ ilə bağlı dəfələrlə müvafiq qurumlara məlumat verilib. Hər dəfə onlara problemin həlli ilə bağlı vəd verilsə də bu əməldə təsdiqini tapmayıb.
