Xaçmazın İstisu qəsəbəsində yerləşən fermada çoban işləyən Alim Yusiflinin (soyadı şərti) ümumilikdə 25.440 manat dəyərində camış və keçiləri sataraq pulu mənimsəyib.
Pravda.az-ın məlumatına görə, Sumqayıt Apellyasiya Məhkəməsində mənimsəmədə təqsirləndirilən barəsindəki hökmdən verilən apellyasiya şikayəti üzrə məhkəmə iclası başa çatıb.
Qərara əsasən, Xaçmaz Rayon Məhkəməsinin hökmü dəyişdirilib. Təqsirləndirilən şəxsin 2 il müddətə azadlıqdan məhrumetmə cəzası 2 il 6 ay müddətinə azadlığın məhdudlaşdırılması (elektron qolbaq) cəzası ilə əvəz olunub. Onun həbsdə saxlanıldığı müddət cəzadan çıxılmaqla Alim Yusiflinin üzərində qəti olaraq 6 ay 24 gün müddətinə azadlığın məhdudlaşdırılması cəzası saxlanılıb.
İttihama görə, Alim Yusifli 04 mart 2020-ci il tarixdən 2020-ci ilin may ayının sonlarınadək zərərçəkmiş Etibar Fərəcovun (soyadı şərti) fermasında işləyib. Zərərçəkmiş bunun müqabilində zəhmət haqqı olaraq ona hər ay 350 manat əmək haqqı verib.
