Azərbaycanı Avroviziya-2025 mahnı müsabiqəsində Qubadan olan yəhudi müğənni təmsil edəcək.
Axar.az-ın məlumatına görə, İsrailin Bakıdakı səfiri Corc Dik bunu deyib:
“Azərbaycan yəhudisi Asəf Mişiyevin öz istedadlı qrupu “Mamagama” ilə ölkəsini “Avroviziya” səhnəsində təmsil edəcəyini eşidəndə çox həyəcanlandıq. Azərbaycan bizim yaxın dostumuzdur. Bu, müsəlmanların, xristianların və yəhudilərin bir yerdə yaşadığı ölkədir və bu, ilk dəfə deyil ki, yəhudi və ya xristian nümayəndələri onu beynəlxalq səhnədə – idmanda, incəsənətdə və mədəniyyətdə təmsil edir. Uzun və çətin ilkin seçim prosesindən sonra Asəfin və komandasının seçilməsi Azərbaycanın açıq və ruhlandırıcı ruhunun daha bir sübutudur. Asəfə, qrupa və bütün Azərbaycana öz adımdan və İsrail xalqı adından böyük uğurlar arzulayıram”.
Avroviziya-2025 musiqi yarışması İsveçrənin Bazel şəhərində keçiriləcək. Azərbaycanı “Mamagama” qrupu təmsil edəcək. “Mamagama” 3 nəfərdən ibarətdir: Asəf (Frontmen və əsas vokalçı), Hass (Gitara ifaçısı) və Arif (Zərb alətləri).
Shimal.News bir müddət öncə vətən, torpaq sevdası ilə yaşayan qubalı Asəf haqqında məqalə dərc edib. O, öz sosial media hesabında “Qubanın ağ alması” mahnısını ifa etdiyi videonu paylaşmını sərh etmişdi:
“Bu mahnıdan bir parça oxumaq mənim üçün çox vacib idi, çünki mən əslən Quba şəhərindənəm. Baxmayaraq ki, mən Bakıda doğulub, boya-başa çatmışam, amma hər dəfə əcdadlarımın keçmişinə toxunmaq istəyən zaman bu mahnını zümzümə edirəm. Məncə xalq musiqisinin gücü bundadır. Mən həmişə Azərbaycan musiqisinə və bu hisslərə aşiq olacağam”.
