Qubada Əməkdar elm xadimi, filologiya elmləri doktoru, professor Nizaməddin Şəmsizadənin anadan olmasının 70 illiyi qeyd olunub.
Shimal.News xəbər verir ki, tədbir Bəşir Səfəroğlu adına Quba rayon Mədəniyyət Mərkəzində təşkil edilib. “Onu sevməmək olmaz” adlı ədəbi məclisdə Quba Rayon İcra Hakimiyyəti başçısının birinci müavini Tariyel İbrahimov, Rayon İcra Hakimiyyətinin məsul şəxsləri, Quba-Xaçmaz Regional Mədəniyyət İdarəsinin rəisi vəzifəsini icra edən Fərid Musayev, Azərbaycan Yazıçılar Birliyinin nümayəndəsi Dayandur Sevgin, Azərbaycan Atatürk Mərkəzinin direktoru, akademik Nizami Cəfərov, akademik Muxtar İmanov, professor Paşa Qəlbinur, respublikamızın görkəmli alimləri, tanınmış şair və yazıçıları, Əməkdar artist Zakir Əliyev, rayon ictimaiyyətinin nümayəndələri, təhsil və mədəniyyət işçiləri, tələbələr və gənclər iştirak ediblər.
Tədbirdə çıxış edən Rayon İcra Hakimiyyəti başçısının birinci müavini Tariyel İbrahimov yubilyarı doğum günü münasibətilə təbrik edərək hədiyyələr təqdim edib. Digər çıxış edən natiqlər də N.Şəmsizadənin yaradıcılığına işıq salmış, onun haqqında səmimi fikirlərini səsləndirib, ona yeni-yeni yaradıcılıq uğurları arzulayıblar.
Tədbir ədəbi-bədii kompozisiya ilə davam edib.
