Qubanın Möhüc kəndindən olan Eldar pəhləvan Yerfi sakinləri ilə görüşə gəlib.
Shimal.News məlumat verir ki, hər zaman olduğu kimi valehedici səhnəciklər qurulub, akrobatik fəndlər göstərilib, keçi isə azyaşlıların əyləncəsinə səbəb olub.
Qubalılar böyük təəssüf hissi ilə bildirirlər ki, əvvəllər pəhləvanlar çox idi. Müasir zəmanədə isə onların sayı azalır. Adət-ənənələrimizin tarixə qovuşması insanları kədərləndirir.
Əvvəllər Qubanın Möhüc kəndində 30-a yaxın pəhləvan var idi. Hal-hazırda bu işlə Möhüc kəndində Ramil, Tüləkəran kəndində Amil və əmisi Eldar, Aşağı Xuc kəndində Zaur pəhləvanlar məşğul olurlar.
