Sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə prosesi davam edir. Bu barədə ShimalNews 20 dekabr tarixində məlumat verir.
İttihama görə, sözügedən qurumda illik yoxlamalar həyata keçirilən zaman nöqsanlar aşkar olunan şəxslərin vəzifələrində qalmaları üçün rüşvət alınıb.
Dövlət Sosial Müdafiə Fondunun Quba və Xaçmaz şöbəsinin müdiri olmuş Yasin Rüstəmov isə işindəki nöqsanlara görə iki dəfə rüşvət verdiyini deyib:
"2013-2016-cı illərdə Qubada fond müdiri işləyirdim. Həmin vaxt nazirliyin daxili nəzarət şöbəsi yoxlama keçirdi. İşimdən olmamaq üçün idarənin rəis müavini Nizami Xanlarova 18.000 manat verdim. Bundan sonra Xaçmaz DSMF-nin müdiri oldum. Oradakı nöqsanlarıma görə isə Xanlarova 15.000 manat verdim".
Növbəti proses dekabrın 26-na təyin olunub.
