Məscidlərdə qadın dini ayinlərinin icraçısı vəzifəsinin tutulması üçün keçirilmiş müsahibədə Qubadan olan 2 namizəd uğurla keçib. Bu barədə ShimalNews 14 fevral tarixində APA-ya istinadən məlumat verir.
Fevralın 13-də baş tutan müsahibədən Könül Hacıbalayeva və Əzimə Müzəffərova 26 bal toplayaraq keçiblər. Onlar “Hacı Cəfər” məscidində mövcud olan vakansiyaya görə müraciət etmişdilər.
Uğur qazanmış namizəd təsdiq edilmiş qaydalara əsasən, müsahibə bitdikdən sonra 30 iş günü müddətində Komitə sədrinin əmri ilə İslam dininə aid ibadət yerinə və ya ziyarətgaha qadın dini ayinlərinin icraçısı təyin olunacaq.
