Qusarda polis əməkdaşları qanunsuz silahlara qarşı əməliyyat-axtarış tədbirləri keçiriblər. Bu haqda ShimalNews 18 noyabr tarixində DİN-in Mətbuat Xidmətinə istinadən məlumat verir.
Əməliyyatlar nəticəsində 5 ədəd müxtəlif markalı sənədsiz ov tüfəngi aşkar edilərək götürülüb.
Bundan başqa, polis əməkdaşları xidmətdə olduqları zaman rayon ərazisində 1 ədəd “AK-74” markalı avtomat və həmin silaha məxsus 1 ədəd patron darağı və 30 ədəd güllə aşkar ediblər.
Faktlar üzrə Qusar RPŞ-də müvafiq araşdırmalar aparılır.
