Qubada məktəblilərlə “Narkomaniyaya yox deyək” mövzusunda görüş keçirilib. Bu haqda ShimalNews 13 yanvar tarixində məlumat verir.
Daxili İşlər Nazirliyinin Mətbuat Xidmətindən verilən məlumata görə, tədbir Hacıqayıb kənd tam orta məktəbində təşkil edilib. Görüşdə RPŞ-nin əməkdaşları, məktəbin pedaqoji heyəti, eləcə də yuxarı sinif şagirdləri iştirak ediblər.
Polis polkovniki Mehman Əliyev şagirdlərə narkotik vasitələrin insanlar üçün yaratdığı problemlərdən danışıb və narkomaniyanın cəmiyyətin problemi olduğunu qeyd edib. Polis mayoru Rüstəm Hüseynov Daxili İşlər Nazirliyinin Polis Akademiyası haqda şagirdlərə ətraflı məlumat verib.
