Ötən il ölkəmizə gələn xarici turistlərin 56,79 faizi gecəni Bakı şəhərində, 5,12 faizi isə şimal bölgəmiz olan Qusar rayonunda keçiriblər.
Shimal.News xəbər verir ki, bununla bağlı Media Təhlil Mərkəzi məlumat yayıb.
Məlumata görə, növbəti sırada Quba rayonu yer alıb. Quba ərazisində gecələyən turistlərin sayı ümumi gecələmələrin 5,04 faizini təşkil edib.
Azərbaycanın əsas turizm bölgələrindən sayılan Qəbələ rayonu 4,79 faiz ilə 4-cü, 4,47 faiz ilə Abşeron rayonu isə beşinci pillədə yer alıb.
Ümumi gecələmələrin 23,78 faizi isə digər rayonların payına düşüb.
