Quba rayonunun Amsarqışlaq kəndində ödəniş terminallarına ehtiyac yaranıb.
Məsələ ilə bağlı Shimal.News-a müraciət edən yerli sakinlərin sözlərinə görə, yaşadıqları ərazidə ödəniş terminalları mövcud deyil.
"Kiməsə pul göndərmək üçün Quba şəhərinə getməli oluruq. Yaşlı insanlar üçün ödənişləri həyata keçirmək çətindir, çünki mobil tətbiqlərdən istifadə edə bilmirlər. Kontur yükləməkdə, kommunal xərcləri ödəməkdə ciddi çətinliklər yaşayırlar. Kənddə tələblərə cavab verən iaşə obyektləri də mövcuddur.
Biz təsərrüfatla məşğul oluruq və tez-tez rayon mərkəzinə gedib-gəlmək imkanımız olmur. Ödəniş xidmətləri göstərən şirkətlərdən xahiş edirik ki, kəndimizdə terminallar yerləşdirsinlər", - deyə onlar bildiriblər.
