Antiterror əməliyyatı zamanı şəhid olmuş hərbi qulluqçu Altun Əliyevin il mərasimi keçirilib.
Shimal.News xəbər verir ki, Quba rayonunun Təngəaltı kəndində keçirilən il mərasimində icra başçısı İlqar Mahmudov, Rayon İcra Hakimiyyətinin məsul şəxsləri, rayonun hüquq-mühafizə orqanlarının rəhbərləri və əməkdaşları, idarə, müəssisə və təşkilatların rəhbərləri, şəhid ailələri, qazilər, müharibə iştirakçıları, din xadimləri və rayon ictimaiyyətinin digər nümayəndələri iştirak ediblər.
Altun Əliyev 2002-ci il martın 24-də Təngəaltı kəndində dünyaya gəlib. O, orta təhsilini Təngəaltı kənd orta məktəbində alıb. Hərbi qulluqçu 21 yaşında 2023-cü il sentyabrın 20-də şəhidlik zirvəsində ucalıb.
Şəhid Altun Əliyev ölümündən sonra 3-cü dərəcəli “Vətənə xidmət ordeni” ilə təltif edilib.
