Bu gün ehtiyatda olan polkovnik-leytenant Xanlar Vahabzadənin 65 yaşı tamam olur. Bu haqda ShimalNews 22 fevral tarixində məlumat verir.
Xanlar Vahabzadə 1958-ci il 22 fevral tarixində Quba rayonunun Çiçi kəndində anadan olub. Almaniyanın Drezden şəhərində hərbi xidməti başa vurduqdan sonra Quba rayon Daxili İşlər Şöbəsi yanında mühafizə bölməsində fəaliyyətə başlayıb. O, SSRİ Daxili İşlər Nazirliyinin (DİN) N.K.Rzayev adına orta ixtisas milis məktəbində, daha sonra isə Ali İstintaq Məktəbində təhsil alıb.
Vahabzadə Birinci Qarabağ müharibəsi zamanı müxtəlif hərbi əməliyyatlarda iştirak edib.
Qusar rayonu Daxili İşlər Şöbəsində yetkinlik yaşına çatmayanlarla iş üzrə inspektor, pasport xidməti rəisi vəzifəsində çalışıb. Vahabzadə uzun illər Siyəzən Rayon Polis Şöbəsində Xidmət üzrə rəis müavini vəzifəsində çalışıb. O, polkovnik-leytenant rütbəsində istefaya çıxıb.
2017-ci ildən Siyəzən Rayon Məhkəməsində dəftərxana müdiri vəzifəsində çalışıb.
Təbrik edib, uzun ömür arzu edirik!
