Quba şəhərində Prokurorluq işçilərinin peşə bayramı günü qeyd olunub.
Shimal.News xəbər verir ki, 1 Oktyabr - Azərbaycan Respublikası Prokurorluğu işçilərinin peşə bayramı günü və milli prokurorluğun yaradılmasının 106-cı ildönümü münasibətilə tədbir keçirilib.
Rayon İcra Hakimiyyətinin başçısı İlqar Mahmudov və məsul şəxsləri, Quba rayon Prokurorluğunun kollektivi, rayonun hüquq-mühafizə orqanlarının rəhbərləri, eləcə də rayon ictimaiyyətinin nümayəndələri Heydər Əliyevin adını daşıdığı Mədəniyyət və İstirahət parkındakı abidəsini ziyarət edib, onun önünə gül dəstələri qoyublar.
Daha sonra RİH-də xidmətdə fərqlənmiş Prokurorluq işçiləri ilə görüş keçirilib və onlar Fəxri fərmanlarla təltif ediliblər.