Qusar rayonu Zindanmuruq kəndindən keçən Qusarçayın ətrafında yaranmış mənzərə narahatlıq doğurur.
Məsələ ilə bağlı Shimal.News-a danışan sakinlərin sözlərinə görə, çayın sahili plastik butulkalar, qida qabları və digər məişət tullantıları ilə doludur.
“Bu çirkab sular birbaşa çaya axıdılır. Həmin çaydan isə içməli su üçün istifadə edilir. Antisanitar vəziyyət həm təbiətə, həm də insanlara zərər verir. Tullantıların yaratdığı çirklənmə səbəbindən bir çox balıq da tələf olur. Balıqların belə tələf olduğu bir sudan istifadə edən insanların aqibəti bizi düşündürür”, - deyə onlar bildiriblər.
Sakinlər aidiyyəti qurumların dərhal tədbir görməsini istəyirlər.
