Narkotik maddənin təsiri altında Bakı-Xaçmaz marşrutunda sərnişin daşıma fəaliyyəti göstərən sürücü ifşa olunub.
Shimal.News xəbər verir ki, Baş Dövlət Yol Polisi İdarəsinin Ekoloji Nəzarət Bölüyünün əməkdaşları nəzarət tədbirləri keçiriblər.
Nəticədə stasionar postda yoxlama-nəzarət qaydasında saxlanılan “Hyundai” markalı mikroavtobusun sürücüsü Hafiz Piriyevin sənədləri yoxlanılarkən hərəkətləri şübhə doğurduğundan o, tibbi müayinədən keçməyə dəvət olunub.
Müayinə zamanı Hafiz Piriyevin narkotik maddə qəbul etməsi müəyyən edilib və o, narkotik istifadəçisi olduğunu etiraf edib.
