Kafe sahibindən hədə-qorxu ilə pul tələb edən Cəlilabad rayon sakini Sakit Əlişov və Qəbələ rayon sakini Şahin Quliyevin kassasiya şikayəti Ali Məhkəmə tərəfindən rədd edilib.
Pravda.az-ın məlumatına görə, onlar Nəsimi rayonunda yerləşən kafedə müəssisənin sahibinə dəmir parçası ilə xəsarət yetirib, daha sonra onun azyaşlı oğlunu stula bağlayaraq bıçaqla hədələyiblər və 200 min manat tələb ediblər.
Hər iki şəxsə qarşı Cinayət Məcəlləsinin "Hədə-qorxu ilə tələb etmə" maddəsi ilə ittiham irəli sürülüb. Bakı Ağır Cinayətlər Məhkəməsinin 12 il həbs hökmü qüvvədə saxlanılıb.
