Xaçmaz şəhərindəki "Xəzər" Ticarət Mərkəzində qeydiyyatda olan "Azekon" Qapalı Səhmdar Cəmiyyətinin (QSC) rəhbərinə "stop" qoyulub.
Qaynarinfo.az-ın məlumatına görə, Sumqayıt Kommersiya Məhkəməsinin hakimi Həlimə Alıyeva bununla bağlı qətnamə çıxarıb.
"Azekon" QSC-nin dövlət büdcəsinə 5531,14 manat borcu vaxtında ödənilməyib. Bu səbəbdən qanuni təmsilçisi Bahadır Sultəli oğlu Mehdiyevin ölkədən çıxışı müvəqqəti məhdudlaşdırılıb.
Şirkət 16 iyul 2004-cü ildə qeydiyyata alınıb. Nizamnamə kapitalı 1000 manatdır. Onun rəhbəri barəsində açıq mənbələrdə hər hansı məlumata rast gəlinmir. Hazırda şirkətin 8977,53 manat vergi borcu var.
