Mərkəzi Seçki Komissiyası növbədənkənar parlament seçkilərinin ilkin nəticələrini ictimaiyyətə təqdim edib. ShimalNews xəbər verir ki, 61 saylı Qusar seçki dairəsindən seçki dairəsindən namizədliyini irəli sürən Azər Badamov 56,6% səsl toplayıb.
Azər Badamov 1968-ci il avqustun 18-də Qusar rayonunun Düztahir kəndində anadan olub. Azərbaycan Texnologiya İnstitutunun Qeyri-ərzaq mallarının əmtəəşünaslığı və ticarətin təşkili fakültəsində təhsil alıb.
Millət vəkili 1986–1988-ci illərdə hərbi xidmət keçib, 1989-cu ildən Qusar Şəhər İctimai İaşə İdarəsində iqtisadçı, 1991-ci ildən Qusar Rayon Mərkəzi Xəstəxanasında müfəttiş-mühasib işləyib. 1992-ci ildən Azərbaycan Respublikası Dövlət Sosial Müdafiə Fondunun Qusar rayon şöbəsinin birinci dərəcəli müfəttişi, 1994-cü ildən «Şahdağ» firmasının iqtisadçısı vəzifələrində çalışmışdır. 2003– 2007-ci illərdə sahibkarlıq fəaliyyəti ilə məşğul olub. 2008–2010-cu illərdə «Aztelekom» İstehsalat Birliyinin Qusar Rayon Telekommunikasiya Qovşağının rəisi olub.
Dördüncü və beşinci çağırış Azərbaycan Respublikası Milli Məclisinin deputatı olub. Evlidir, 2 övladı var.
