Xəbər verdiyimiz kimi, son günlərdə ayılar Quba rayonunun Səbətlər, Qımılqazma, Təngəaltı kəndlərinə hücum ediblər.
Shimal.News-un məlumatına görə, bu hücumlar nəticəsində kəndlilərin mal-qarasına, təsərrüfat sahələrinə və tövlələrinə ciddi ziyan dəyib.
Ayıların budəfəki dayanacağı isə Afurca kəndi olub. Kənd sakininin meyvə bağına hücum edən ayılar ağaclara zərər veriblər.
“Bir müddətdir ki, hava qaraldıqdan sonra ayılar bağımıza hücum edir. Qırdıqları ağacları yenicə toplayıb təmizləmişdik ki, yenidən gəlib meyvə verən bütün ağaclarımızı qırıblar. Əkin sahəmizə də ziyan vurublar. Nə qədər soğan-sarımsaq əkmişiksə, hamısını çıxarıb yeyiblər” - deyə sakin bildirib.
View this post on Instagram
