Qubada saat 09:00 radələrində avtomobil qəzası qeydə alınıb.
Shimal.News-un əldə etdiyi məlumata görə, hadisə Quba-Xaçmaz yolunun Zərdabi qəsəbəsi ərazisində baş verib.
“Mercedes” markalı avtomobil idarəetməni itirərək yol kənarında əkilən çinarlara çırpılıb. Nəticədə avtomobil yararsız hala düşüb. Sürcünü isə xəstəxanaya yerləşdiriblər.
Yerli camaat bildirir ki, bu çinarlar çox insanın həyatına son qoyub. Ağaclar yola yaxın və sıx əkilib. Burada mütəmadi qəzalar olur. İstənilən qəza zamanı əgər avtomobil yoldan kənara çıxırsa, bu çinarlara çırpılır və fəsadlar daha da ağırlaşır. Bu səbəbdən dəfələrlə ölüm faktı burada qeydə alınıb.
