Zaqatala-Muğanlı avtomobil yolunun Aşağı Tala kəndi ərazisində yol-nəqliyyat hadisəsi qeydə alınıb.
Apa.az-ın məlumatına görə, hadisə bu gün səhər saatlarında baş verib.
Kənd sakini 57 yaşlı Dilbər Osmanova hərəkətdə olan minik avtomobili tərəfindən vurulub. Qadın aldığı ağır xəsarətlərdən hadisə yerində həlak olub.
Faktla bağlı Zaqatala rayon Polis Şöbəsində cinayət işi başlanıb, araşdırma aparılır.
