AQTA-nın Quba-Xaçmaz regional bölməsi istixanalarda fitosanitar monitorinqlər aparır. Bu barədə ShimalNews 1 fevral tarixində adıçəkilən quruma istinadən məlumat verir.
Xaçmaz rayonunun Tağaroba kəndi ərazisindəki “RK AGRO” MMC-yə məxsus istixanada müşahidələr aparılıb. Müayinələr nəticəsində hər hansı uyğunsuzluq halı müəyyən edilməyib.
Monitorinq zamanı təsərrüfat sahibləri ilə təsərrüfatda çalışan işçilər pomidorun əsas xəstəlik və zərərvericiləri haqqında məlumatlandırılıblar. Həmçinin onlara “İstixanalarda zərərli orqanizmlərin idarə olunmasına dair Təlimat”da göstərilən tədbirlərin icrası və pestisidlərlə işləyən zaman təhlükəsizlik qaydalarına əməl olunması ilə əlaqədar müvafiq istiqamət verilib.
