Quba şəhəri, M.P.Vaqif küçəsində tikilmək üzrə olan yeni bina üçün çəkilən yüksək gərginlikli elektrik xəttləri sakinlərin narahatlığına səbəb olub.
Məsələ ilə bağlı Shimal.News-a danışan yerli sakinlər iddia edirlər ki, yaşayış evlərinin yaxınlığında 35,000 voltluq (35 kV) elektrik xətləri çəkilir.
“Bu xətləri evlərimizə çox yaxın məsafədə çəkirlər. Nə qədər şikayət etsək də, bizi dinləyən, sözümüzü eşidən yoxdur. Kabel binaya o qədər yaxındır ki, sabah burada sənəd almaq, ev satmaq, tikinti aparmaq mümkün olmayacaq. Hələ təhlükəni demirəm...”,- deyə yerlilər bildiriblər.
Onu da qeyd edək ki, qanuna əsasən, elektrik xətlərinin çəkilmə məsafəsi gərginliyə görə dəyişir. Bu məsafə 35 kV-luq hava elektrik verilişi xətləri üçün – 15 metrdir.
