Bu il may ayının 14-ü Xaçmaz rayonunun Fərzəlioba kəndində bıçaqlanma hadisəsi baş verib. Belə ki, kənd sakini Mübariz Şıxmuradov həmyerlisi Səbuhi Mahmudov tərəfindən 9 dəfə bıçaqlanıb.
Bununla bağlı Shimal.News-a danışan zərər çəkmiş M.Şıxmuradovun sözlərinə görə, hadisə torpaq mübahisəsi zəmnində baş verib.
“İki il öncə kənddə bir qadınla aramızda torpaq üstündə mübahisə düşmüşdü. Belə ki, mənə məxsus torpaq sahəsindən yol salmaq istəyən qadına icazə verməmişdim. Bu problemə görə 8 dəfə məhkəməyə müraciət edilib və hər birində də həmin qadın uduzub. Bizimlə ədavət aparan xanım bundan sonra məni və ailəmi təhdid etməyə başladı”,- deyə M.Şıxmuradov iddia edib.
S.Mahmudovla həmin qadının münasibətinin olduğunu da iddia edən zərərçəkmiş bildirib ki, sözügedən xanım S.Mahmudovu 3 dəfə evinə göndərərək onu hədələyib.
Mübariz Şıxmuradov bıçaqlanmanın necə baş verdiyini də danışıb.
Onu da qeyd edək ki, M.Şıxmuradov ona çox böyük maddi və mənəvi ziyan dəydiyini bildirib:
“Onlar mənə 60 min manatdan çox ziyan vurublar. Əməliyyat olunmalıyam, bunun üçün də mənə 24 min manata qədər pul lazımdır”,- deyə o əlavə edib.
Ətraflı videomaterialda:
